1.
Zertarako
balio du haurrentzako masajeak
Haurrentzako
masajeak estimulatzeko oso modu egokia da. Haurrei egiten zaizkien masajei
esker hainbat arlotan hobekuntza oso garrantzitsuak lortzen dira:
1.- Azalaren sentikortasuna suspertzen du.
Zentsumen-organoen
artean azalaren sentikortasuna hazten den lehenengo funtzioa da eta
garrantzitsuena. Laztanek oso eragin garrantzitsuak dituzte, nerbio sistema
orekatzen dutelako eta gaixotasunen aurrean gorputza indartzen dutelako. Haurrekin
egindako ikerketek diotenez, masajeak arnas-sistema, zirkulazioa,
sistema-neurologikoa eta abarrekoak estimulatzen ditu.
2.- Haurra erlajatzen eta orekatzen
laguntzen du.
Bizitzaren
ondorioz eta harremanak izatearen ondorioz sor daitezkeen estresa, nekea,
urduritasunak lasaitzen ditu. Haurrarentzako dena da berria eta interesgarria,
baina hainbeste ikasteak tentsioan jartzen du haurra. Haur masajea ez da
fisioterapia, erlajatzeko masajea baizik.
3.- Gurasoen eta seme-alaben arteko
harremana indartzen du.
Gizakiak
aldamenekoarekin loturak edukitzea behar du eta masajeek lotura hauek indartzen
dituzte. Ukimena, begirada, bihotzaren taupadak dira haurrak amarengandik
jasotzen dituen lehenengo seinaleak, jaiotzen denean. Hauek dira munduarekin
loturak izateko eta indartzeko erabiliko dituen elementuak.
2. Ze alderdi izan behar ditugu kontutan
Edozein
masaje eman aurretik hainbat alderdi izan behar ditugu kontutan, batez ere
haurraren adinaren arabera:
Tenperatura. Haurrak hiru hilabete baino gutxiago
baditu masajea emango zaion gela epela egotea beharrezkoa izango da edota
haurrari konpresa epel bat aplikatzea.
Posizioa. Amarentzako, edo masajea ematen
duenarentzako, garrantzitsua da postura egoki bat hartzea bai ohean edo
lurrean. Posizio egoki bat izango litzateke hankak gurutzatuta eta haurra
magalean jarrita. Honetaz gainera, distantzia, mugimendua eta erritmoa egokiak
izan behar dira.
Baliabide limurkorra. Beroa mantentzeko mostaza olioa;
freskagarritasuna lortzeko koko olioa; eta xurgatze azkarrerako almendra olioa.
0-3 hilabete. Erreflexuekin arreta berezia izan behar
da.
3-6 hilabete. Kontu handia jarri behar da lepo, buru
eta aurpegiko tentsioarekin. Buelta hartzen badu utzi, ingurua ezagutzen ari da
eta garai honetan normala da.
7-12 hilabete. Masajea
erronka bat da haurra asko mugitzen baita eta oso zaila egiten da posizio
batetan mantentzea denbora luzez.
3. Haur masajerako teknikak
Aplikatzen
den presioa suabea eta motela izan behar da. Haurrarekin erabili beharreko
presio maila zein den ondo jakiteko, begiak itxita ditugula betazalean masajea
ematerako orduan erabiltzen dugun presioaren oso antzekoa izango da. Pausoka
ikusiko dugu nola eman behar den masajea:
3.1. Oinak eta hankak.
Oinak
eta hankak erlaxatuz hasiko da masajea. Oinetako eta hanketako masajea oso
erlaxagarria da eta gustura jasotzen dute haurrek eskuen kontaktua. Oinetan
egindako masajeak, erreflexuak suspertzeko balio du bereziki. Hanketakoa, berriz,
giharrak sendotzeko.
Hanketan bi motatako mugimenduak egiten
dira:
1)
Hustuketa: oinetatik aldakara eta aldakatik oinetara irristatzea. Zirkulazioa hobetzeko
balio du, oinetan eta hanketatik bihotzerantz.
2)
Konprimitu eta biratu: mugimendu honek giharren tonua indartzen du eta hankak erlaxatzen
ditu.
Oinak
eta hankak erlaxatzeko teknika:
1) Hindu
hustuketa: esku batekin orkatila heldu eta beste eskuarekin aldakatik txorkatilara
irristatu. Lehenengo hankaren kanpoaldetik egingo dugu txirrista eta gero
barnetik. Goitik behera, aldakatik orkatilara.
2)
Konprimitu eta biratu: ipurditik orkatilara, bi eskuekin azala biratu, esku bat
alde batera eta bestea bestera.
3)
Oinazpitik txirristatu: behatz lodiek txirrista egiten dute oinazpian,
behatzetarantz.
4)
Behatzetan masaila: behatzak banan-banan masajea eman, biratzen.
5)
Erreflexuak: behatz erakuslea oinazpian etzanda, bira egin, atzamarretarantz.
Bi lekuetan egiten da: zubian eta behatzen ondo-ondoan.
6)
Oinazpian ibili: Behatz lodiekin ibili, pausoz pauso atzamarretara heldu arte.
7)
Oin-bularrean txirristak: Behatz lodiekin txirrista egin, atzamarretatik
orkatilara.
8)
Borobilak orkatiletan: Behatz lodiekin borobilak margotzen ditugu orkatilen
inguruan.
9)
Suediar hustuketa: Hindu hustuketa bezalakoa da baina aldakatik orkatilara egin
ordez, alderantziz egingo dugu mugimendua. Hau da, orkatilatik aldakara.
10)
Hanka astindu /Agur esan. Hanka osoa esku bien artean eutsi eta tentsioa ateratzeko
astindu pixka bat. Gero hanka erlaxatu eta agur esan hankari.
11)
Beste hankan egin masajea.
12) Bi
eskuekin hanka biak ukitu eta ipurdia atzetik ukitu. Hankak gorputzarekin loturik
daudela senti dezan.
3.2.
Sabela
Gorputzeko
atal hau nahiko sensiblea da, beraz, adi egon behar dugu masajea gustuko duen
edo ez. Gustuko ez duela adierazten duenean masajea utziko dugu eta hurrengo
baten saiatuko gara.
Mugimendua
hauek sistema dijestiboa suspertzen dute. Aireak, puzkerrak kanporatzen laguntzen
dute, eta kolikoak erlaxatzen dituzte baita idorreria ere. Sabeleko mugimenduak
zilborretik beheraka egingo dira eta eskumatik ezkerrera, erlojuaren norabidea
jarraituz.
Sabeleko
masaje-teknika:
1) Noria
(Gurpil hidraulikoa): Esku biak sabelean jarriko ditugu (bat eskumara begira, bestea
ezkerrera). Mugitzen hasi gurpil batek egiten duen mugimendua eginez.
2) Noria
hankak altxatuz: esku batekin hanka biak eutsi eta belaunak tolestuz, beste
eskuarekin gurpilaren mugimendu egin. Zilborretik sexu organoetarantz.
3)
Liburua zabaldu: behatz lodiak zilborraren behean jarriko ditugu, sabelaren
erdian. Mugimendu bi behatzak sabelaren bi aldeetara, presio pixka bat eginez.
4) Eguzkia
eta ilargia: ezkerreko eskuak zilborraren inguruan eguzki bat margotuko du (bi
behatzetik), erlojuaren norabide jarraituz. Bi behatzak arratsaldeko seietan
daudenean, eskuineko eskuak, hamaiketan hasita mugimendu zirkularra egingo du
seiak arte, ilargia margotuz. Bi eskuek egiten dute mugimendu hau elkarrekin,
gelditu gabe.
5) Maite
zaitut: eskuineko eskuak haurraren sabelaren ezkerrean goitik behera I bat
margotzen du; zilborraren goialdean alderantzizko L margotzen du; azkenik alderantziz
dagoen U bat margotzen da. Zilborraren inguruan.
6)
Behatzetik ibili: zilborraren inguruan, behatz guztiekin ibili, erlojuaren
norabidea jarraituz.
*KOLIKOAK
EDOTA AIREAK DAUDENEAN. MASAJE BEREZIA:
- Noria
6 aldiz.
- Bi
belaunak eskuez eutsi, tolestu eta sabela aldera bultzatu, mantendu pixka bat. Minutu
erdia.
-
Presioa askatu hanka biak astintzen eta erlaxatzen.
- 6
aldiz Eguzkia eta ilargia.
- Bi
belaunak eskuez eutsi, tolestu eta sabela aldera bultzatu, mantendu pixka bat. Minutu
erdia.
-
Presioa askatu hanka biak astintzen eta erlaxatzen.
3.3
Bularra eta besoak.
1)
Liburua zabaldu. Bihotza. Esku biak haurraren bularrean jarri eta bi aldetara txirristatu.
Bihotz bat margotu bularraren inguruan.
2)
Tximeleta: Esternoian jarriko ditugu lau behatzak, bi esku bakoitzeko, eta
hortik hasita Tximeletaren x margotuko dugu. Lehenengo bat, esternoitik hasita,
bularretik txirristatuz sorbaldara heldu arte eta bizkarra ukituz. Bueltatu
lekura eta beste eskuarekin gauza bera.
3)
Besapeak: Eskuarekin besapetik aldakara orraztu.
4) Hindu
hustuketa besoan: Hanka egindako mugimendua baina besoan. Esku bat eskumuturra
eutsi eta besteak sorbaldatik eskumuturrera txirrista egiten du. Lehenengo kanpotik
eta gero barrendik.
5) Eskua
zabaldu: eskuan egiten diogu masaje pixka bat.
6)
Behatzetan masaje. Banan-banan, behatzak biratu.
7)
Eskugainean masajea: Behatz lodiekin eskugainean txirrista egiten dugu,
behatzetatik eskumuturrera.
8)
Eskumuturrean borobilak: Atzamar lodiekin eskumuturrean borobilak margotzen ditugu,
erlojuaren norabidea jarraituz.
9)
Suediar hustuketa: hankak egin dugun moduan, baina eskumuturretik sorbaldara.
10)
Besoa astindu. Agur esan: besotik azkenengo tentsioa askatzen dugu, besoa
astinduz eta agur esanez. Beste besoa hartu eta masaje osoa egin.
3.4
Aurpegia.
Aurpegiko
masajea onuragarria da aurpegian tentsio asko sortzen delako, negarrak, hortzak…
direla eta.
1)
Bekokian liburua zabaldu: behatz lodiak bekokiaren erdian jarri eta bi aldetara
txirrista egin, biok batera. Bekokia osorik masajeatu.
2)
Betazalak: Bekainen azpitik bi behatz lodiekin txirristatu. Biak batera.
3)
Sudurra- Masailak: Sudurretik eta begiak azpitik txirrista egin masailetara
heldu arte. Beti behatz lodiekin.
4)
Irribarrea ezpainetan: Bibote erdian bi behatzak jarri eta txirrista egin
bibotea margotuz, irribarrea eragiten, goraka egin behar da mugimendua. Gauza
bera baina ezpainaren azpian, beheko masailezurrean.
5)
Masailezurrean borobilak, ahotik belarrietara: Ahotik hasita, borobilak margotu
masailetan, belarrien inguruan eta berriro masailetan.
3.5
Bizkarra.
Bizkarrean
egiten den masajea erlaxanteena da. Horregatik haurrek oso gustura jasotzen
dute masaje hau. Buruz bera etzanda egongo da haurra. Oso txikia bada, gure
hanken gainean.
1)
Atzera-aurrera: Bi eskuak zabalik, haurraren bizkarreko gainaldean jarriko
ditugu, sorbaldetan. Esku biak hasiko dira mugitzen bat aurrera bestea atzera (plastilinazko
txurro bat egingo bagenu bezala), sorbaldatik ipurdira, ipurditik sorbaldara
eta berriro ipurdira.
2)
Zapaldu: esku bat ipurdian jarriko dugu, bestea sorbaldatik ipurdira, eskua
zabalik bizkarra zapalduko du txirrista eginez.
3)
Zapaldu lepotik orkatiletara: gauza bera, baina sorbaldatik orkatiletara.
4)
Sorbaldak. Borobilak: lepoan eta sorbaldan masajea egin.
5)
Bizkarrezurraren inguruan hodeiak margotu: sorbaldatik hasita, bizkarrezurrean inguruan
hodei handi eta luze bat margotu.
6)
Ipurmasailak: ipurmasailak masajeatu.
7) Eskua
zabalik, goitik behera bizkarra orraztu: bizkarrari agur esateko, goitik hasita
bizkarra orraztu. Lehenengo presio gehiago egin eta pixkanaka gutxiago egin,
laztantxo bat egin arte.
3.6
Luzaketak.
Masaje
saioa bukatu baino lehen, ondo dago gorputza pixka bat luzatzea. Ariketa hauek
dibertigarriak izaten dira umeentzako. 4-5 aldiz errepikatu ariketa bakoitza.
1) Besoak
gurutzatu: haurraren besoak eskumuturretatik eutsi eta bi besoak gurutzatu, bularraren
gainetik. Lehenengo alde batetik, gero zabaldu eta berriro gurutzatu beste
aldetik.
2) Besoa
eta hanka gurutzatu: eskuarekin besoa eutsi eta beste eskuarekin kontrako hanka.
Biak gurutzatu eta luzatu. Beste besoa eta hankarekin gauza berdina egin.
3) Hanka
biak gurutzatu: orkatilatik eutsi eta hanka biak gurutzatu, alde batetik eta
bestetik.
4)
Belaunak tolestu eta sabelera hurbildu: bi belaunak sabela aldera bultzatu.
5)
Belaunak tolestu eta sabelera hurbildu bizikleta eginez: gauza bera baina
belaunak banan-banan mugitu.