JOLASTUZ
HAZI, AISIAN HEZI
YOGA TXIKI HEZKUNTZ EGITASMOA
2012-2013 ikasturtean eginiko frogari jarraipena eman nahi asmoz, 2014-2015ean ikastaro baten proposamena egin genien gurasoei. Honen arrakasta eta emaitza onak ikusirik, aurtengo ikasturtean urte guztiko eskaintza dugu:
Yoga
eta adimen emozionalari buruzko ikastaroa da eta funtsean honatx landu nahi
denari buruzko informazioa.
YOGA
Yoga
zientzia bat da eta tresna ezberdinez osatuta dago. Yogaren azken helburua
norbere burua ezagutzea da, norberarengan dagoen esentzia naturala, aldatzen ez
dena ezagutzea, alegia.
Yogak
hiru atal ditu:
1.
Arnasketak
2.
Asanak edo posturak
3.
Erlaxazioa
Yogak
esan bezala gure burua ondo ezagutzeko tresna emango digu eta horregatik
lanketa fisikoa, emozionala eta mentala egiten ditu. Lehenik beraz osasuntsu
egotea bilatuko dugu eta gero zoriontsu izatea.
ADIMEN EMOZIONALA
Landu nahi diren
helburuak:
- Auto ezagutza
emozionalaren gaitasuna. (hunkituta noiz gaude, zein emozio den hau
identifikatzen jakitea...)
- Emozioak
kontrolatzeko gaitasuna izatea, desegokiak eta deserosoak direnean batez ere.
- Proposaturiko
helmugetara iristeko motibatzeko gaitasuna izatea: hau da, oldarkortasuna
kontrolatzeko gaitasuna eta atseginak itxaronarazten jakitea.
- Besteen
emozioak onartzeko gaitasuna izatea, hitzezko komunikazioa zein hitzezkoak
ez diren komunikazioetan. Oso inportantea da hitzezkoak ez diren
adierazleak dituen hizkuntza emozional zabal baten jabe izatea, besteak
zer sentitzen duten identifikatzeko.
- Besteak
motibatzeko gaitasun izatea, pertsonarteko eta taldeko erlazioetan. Enpatia edukitzeak. Erlazio
sozialetarako gaitasuna.
- Emozioak
eraldatzeko gaitasuna.
Gure proposamena:
Pedagogia eta Yogaren uztarketa bat egitea. Hau da, adimen emozionala garatzeko
Yogaren tresnak erabili eta prozesu pedagogiko baten txertaketan hezkuntza
planteamendu bat egitea. Adimenaren bost
dimentsioak landuko ditugu, subjektuak
epe luzean bereganatuko dituen baliabide batzuk eskainiko dizkiogu, bizi
guztirako baliozko tresna gisa erabili ditzan.
ZER ETA NORENTZAKO
Herriko
5-9 urte bitarteko haurrei eskaintzen zaien zerbitzua. Pedagogía eta Yoga
uztartuz haurren garapena lantzen du marrazki, ipuin, jolasa eta yogaren
bitartez.
Adimen emozionalaren
lanketarako pauso desberdinak emanen dira: autoezagutza, emozioen kudeaketa,
motibatzeko gaitasuna, besteen emozioak ezagutzea eta motibatzea, emozioak
aldatzeko gaitasuna…
Ikastaroa
astelehenetan izango da bi txandetan adinaren arabera:
17:15etatik
18:15etara 5-6 urte bitartekoak
18:15etatik
19:15etara 7-9 urte bitartekoak
Ikasturte
osoko ikastaroa da, urriaren 19an hasi eta ekainaren 6an amaituko da.
IZENEMATEAREN BALDINTZAK
- Beasainen erroldatutako haurrak izango dute lehentasuna.
- 2006-2010 urteen artean jaiotakoak onartuko dira.
- Izenemate ordena jarraituko da.
KOPURU MUGATUA
Txanda bakoitzean gutxieneko kopurua 5 izango da eta
gehienez 10.
ONARTUEN
ZERRENDAK
Onartuen eta itxaron zerrendan daudenak dagokion ludotekaren
oharren taulan jarriko dira.