MARIA MONTESSORI (1870-1952):
IKUSPEGI PEDAGOGIKO GARAIKIDEA
AURKIBIDEA
1.
MUGIMENDUA ETA AUTOREA
1.1.
TESTUINGURUA ETA KOKAPENA
1.2.
BIOGRAFIA ETA PERTSONAIA
2.
PEDAGOGIA ARLOA
2.1.
HEZKUNTZAREN KONTZEPTUA, FUNTZIOA, HELBURU NAGUSIAK
2.2. IKASKUNTZA
– IRAKASKUNTZA EREDUA
2.3.
ONDORENGO ERAGINAK
3.
ARIKETA PRAKTIKOAK
4.
MONTESSORI MATERIALA GAUR EGUN
1. Mugimendua eta autorea.
Eskola
berria izenarekin ezaguna den mugimenduan kokatu behar ditugu Maria Montessoriren
ideiak eta ekarpenak; mugimendu hau historiako sasoi konkretuan garatu zen,
orduko itaun eta egoerei erantzun nahirik eta sasoi horretan garatzen ziren
ideietan sustraituta.
1.1. Testuingurua eta kokapena
Garai
horietan eskolaren zabalkundea eman ze, XIX. Gizaldiko bigarren zatian kokatu
behar gara, Europan estatu nazioek garatzen eta sortzen zeuden, industri
iraultzak nekazal bizitzatik kaletar eta proletariar bizitzara igaro zuen
populazioaren kopuru handia, eta kopuru handiagoa igarotzeko prestatzen zegoen.
Liberalek,
Garibaldi buru, penintsulako batasuna lortu nahirik gerrarik gerra erresuma
batzen joan ziren 1870ean Erroma batu arte, orduan Victorio Manuel piamontanoa
erregea zela (1861etik). Burgesiaren indarra penintsulan ere igarri zuten,
batez ere iparraldean eta Toskanan.
Eskola
orduan asko garatu zen, Europako hainbat herrietan derrigortasunerako legeak
ezarriz, baina garapen hau, ez da ahaztu behar, aurretik bazen eskolaren
gainean eraikitakoa zen, eliterako eskola, jesuitek garatu zutenen gainean
eraikia eta Napoleonen ejertzitoaren egituraren gainean berreraikia.
1.2. Biografia eta pertsonaia
Chiaravalen
1870ean, Anconan jaio zen, familia burgesean jaio zen. Unibertsitatera joan zen
eta 1896an Italiako lehenengo medikuntzan lizentziatutako andrezkoa izan zen, hots,
sasoi honetako lehenengo medikesa. Emakumea izateagatik ezin egin zuen
interbentziorik ospitaleetan eta Erromako Unibertsitateko Klinika Psikiatrikoan
jardun zuen, zer edo zelako buru gutxitasuna zeukaten umeen hezkuntzarekin
arduratzen hasi zen. Hor Seguinen eta beren maisua izan zen Itarden teorietatik
ikuspegi berezkoa garatu zuen eta lopen handiak umeekin.
1896an
Berlinen (eta geroago, 1900ean Londonen) andrazkoaren inguruko konferentzietara
Italiaren izenean joan zen.
Bitartean
eta orduko ikuspegiarekin bat etorrita Ricerche batteriologiche sul liquido
cefalo rachidiano dei dementi paralitici idatzi zuen, 1897an, Erroman
argitaratua.
Beren
ikuspegi berritzaileak beharrean dabilela joan zen eta baita beren ikuspegi
morala garatzen, horrela hurrengo urtean Miserie sociali e nuovi ritrovati
della scienza argitaratu zuen.
Urte
berean ere Torinon egin zuten Kongresu Pedagogikoan bere modelo pedagogikoa
aurkez zuen, ortofrenikoentzako eskolak egin behar ziren eta aho batez
onartua izan zen.
1899-1900
urteetanGuido Bancellik (bere irakaslea izana), hitzaldiak enkargatu zizkion
eta Escuola Magistrale Ortofrénica sortu eta zuzendu zuen. 1901ean Irakaskuntza
berezirako eskola Erroman zabaldu zuten.
1902an
izan zen lehenengoz mundu mailako kongresu pedagogikoan eta bertan proposatu
zitzaion zebilen metodoa bestelako ume guztiei ere ezartzeko. Urte horretan
bertan hasi zen psikologia -esperimentala, antropologia eta pedagogia
ikasketetan.
Hurrengo
urtean, beren garapen intelektualaren erakusgarri L´Antropologia pedagogica idatzi
zuela esan daiteke.
1907an
Erromako San Lorenzo auzoan lehenengo “Casa dei Bambini” sortu zuen, beren
historian eta pedagogia garaikidearenean garrantzi itzeleko gertaera ; urtea
bete barik Milanon bigarrena zabaldu zuelarik.
1909an
II Metodo della Pedagogia Scientifica applicato all´educazione infantile
nelle Case dei Bambini argitara eman zuen Cittá di Castellon urte horretako
beren Corso di Pedagogia Scientificaren moduan, bertan emandako
lehenengo profesional formakuntzarako ikastarorako.
Medikuntza
erabat utzi zuen eta bi urteren buruan pedagogian buru belarri sartzeko.
Sasoi mugitu
horretan hainbeste ekintza egin zituen, eta bere planteamendu pedagogikoa
zabaldu baino besterik ez zen egiten, horrela 1912an Erroman, lehenengo
Nazioarteko Montessori Heziketa Kongresua egin zen, 1913an Graham Bell eta
Mabel, haren andrea, Montessori Heziketa Elkartea eraiki zuten euron
Washingtoneko etxean; 1915erako Panama – Pacific International Exhibitionen
arrakasta nabarmena eduki zuen San Frantziskon eta urte horretan bertan
Bartzelonan egin zuen III. Nazioarteko Ikastaroa, Italiatik kanpoko lehenengoa.
1919an Londonen ere irakasle- zuzendarientzako ikastaroa antolatu zuen.
1922
urtea gozo hasi baina gazitasuneranzko bidea hasi zen, urte horretan bertan
Italiako Maria Montessori Eskoletako Ikuskatzaile izendatu zeten, eta urriaren
30ean, Victorio Manuel III.ak Benito Mussolini lehen ministro izendatu zuen.
1933an
Italia laga zuen, faxistak “gazteria euron molde bortitzen arabera” formatzeaz akusatuta
eta umetxoak soldadu txiki egitea errefuxiatuta. Herrian bertan hurrengo urtean
Montessori eskolak itxi ziren eta 1936an Montessorirekin zer ikusia zeukan
edozer ekintza galarazi zen.
Erbestean
dagoela 1933an Bartzelonan XVIII Nazioarteko Montessori Ikastaroa egin zuen
baina Espainiako gerra zibilak atrapatu eta 1936an kruzero britainiar batek
erreskatatu behar izan zuen, handik Holandako Noordwijk aan Zee kostaldeko
herrira alde egin zuen baina orduan ere ihes egin behar izan zuen nazismo eta
gerratik. Alde, orduan, India britainiarrera egin zuen eta bertan irakasle
eskola egin zuenean britainiar tropek atxilotu zuten “atzerritar arerioak”
ziren eta, azkenean sekta baten laguntzaz aske gelditu ziren bera eta bere
semea.
Bigarren
Gerratea amaitutakoan Europara bueltatu zen, Noordwijk aan Zeera, eta alboko
Laren herrian Irakasle eskola sortu zuen, hurrengo urtean, 1947an, Montessori
Center zabaldu zuen Londonen.
Bizi
oso baten errekonozimendutzat hartu daitezke Nobel Sarirako edukitako hiru
izendapenak, elkarren segidan 1949tik 1951era.
Italiara
urteetako erbestearen ostean 1950ean bueltau zen Perugiako Pedagogiako
Ikasketen Nazioarteko Zentroko presidente tituluarekin. Hurrengo urtean
Erromako Unibertsitatean irakasle jardun zuen eta Italiako eskolak berriro antolatu
zituen.
Noordwijk
bere etxetzat zeukala hil zen 1952an.
2. Pedagogia Arloa
2.1. Hezkuntzaren kontzeptua, funtzioa eta helburu
nagusiak
Zer da
hezkuntza Maria Montessorirentzat: “Y así descubrimos que la educación no es
algo que haga el maestro, sino que es un proceso natural que se desarrolla
espontáneamente en el ser humano. No se adquiere escuchando palabras, sino en
virtud de las experiencias que el niño realiza en su medio ambiente. La tarea
del maestro no es hablar, sino preparar y organizar una serie de motivos para
la actividad cultural en un ambiente especialmente preparado para el niño”.
Montessoriren
hezkuntzaren kontzeptua zer litzateke; haur bakoitza, bere auto-heziketaren
bidez, bere motibazio, interesen arabera, bere garapena aurrera eramatea.
Irakaslea laguntza bat izango litzateke, haurrak ulertzen ez duena azaldu edo
bideratzeko, baina hortik aurrera, haurrak ikasiko du bere beharren arabera.
Helburu
nagusiak; autonomia sustatzea, auto-heziketa ahalbidetzea, auto-ebaluaketa
ahalbidetzea eta garapen intelektuala naiz sozialaren lorpena gauzatzean
zentratzea dira.
Ikasleak
bere ikasketa bidea eraikitzea eta jarraitzea da. Beti ere bere interes eta
beharrei jarraituz. Gizakiak dauzkan ahalmenak modu aske eta autonomoan
garatzea.
Zoriontasuna
eragin beharko luke, norbanakoaren lanerako askatasuna bultzatu eta ahalmen
naturala bultzatu. Honetarako, material aproposa egongo da ikasgelan, eta
antolaketa ere, lortu nahi denaren araberakoa izango da. Haurrak konparaketaz
eta asoziazioz bereganatzen du errealitatea.
2.2. Ikaskuntza- irakaskuntza eredua
Maria Montessori pedagogiarentzat honako
elementu fisikoak, edukiak eta prozesuak kontuan hartu behar dira umeen
ikaskuntza-irakaskuntza prozesuan.
Ingurua
eta altzariak
Ingurua
tamaina aldetik egokitu behar da eta ordena eta apainketa landu behar dira.
Umearen
ingurua helduarena izaten da, inolako egokitzapen gabe. Beraz, horretara
moldatzeko (adibidez aulki altuak) energia handia eta esfortzua egin behar
dute, askotan horra ez ailegatzeak dakarren frustrazioarekin.
Bantu
luzea kentzen du, norbanako edo birentzako mahaitxoak jarriz. Bakoitzak nahi
duen moduan eta lekuan jarriz, ez orden zehatz batean.
Espazio
guztian funtzio ezberdinak egiteko txokoak antolatzen dira: lan egitekoa,
jantokia, logela, etab. Baita espazioaren apainketak badu berezitasuna (garbia,
kolore argiak, txoriak, loreak,...).
Norbanakotasuna
eta askatasuna
Askatasuna
ideia nagusitzat, inguru itxi baten beharra
Oztopoak
bere kabuz askatzea, autonomia eta kontrola
Umea
aske uzteagatik abandonaturik dagoela ez du esan nahi. Bakoitzari barnean era
naturalean daukan grinari kanporatzen utzi behar zaio, beti ere ingurua zehazki
horretarako prestatuta. Hau da, era ez zuzenean naturaltasuna bideratzea.
Askatasuna
egoteko, itxitasuna aurkitu behar da nonbait. Itxitasun horren muga gainditzeko
momentuan horrela utzi egiten bada askatasuna egongo da. Adibidez, ordutegia,
leku itxia egoteak badirudi askatasunarekin topo egiten duela. Oztopoak bere
kabuz gainditzeko giroa ezarri behar da, laguntza behar izatekotan zuzentasunez
erantzunez.
Aske
dagoen umeari naturak ezartzen dio momentu zehatz batzuetan behar duen
ezagupena edo grina. Momentu hirien kontrola irakaslearengan ezin egon delarik,
emearengan bertan baino. Beti ere hori askatzeko ingurua eta tresnak antolatuz.
Giharren
heziketa
Gorputz
mugimendua burutik pasatuz ikasi behar da
Beharrezkoa
da bere gorputzaren mugimendua ondo koordinatzeko hori bera lantzea. Horretarako
espiritutik pasa den ikasketa izan behar da, baina inoiz ere fisikoki mugak
ezarriz.
Isiltasuna
Norbere
gorputzaren soinua kontrolatzea
Irakasleak
oihuen bidez oihuak baretzea ezinezkoa duela badaki, beraz, momentu horietan
isiltasunean umeei begira geratu behar da. Umeak berak egiten duena imitatu nahian
isiltasunean jarriko da, norbere gorputza eta muskuluak buruarekin kontrolpean
jarriz.
Orokorrean
helduen inpazientzia dela eta ez diegu umeei onak diren praktikak ikasten
uzten.
Diziplina
Opariak
eta zigorrak ez dira materialak, momentu zehatz eta kontrolatuetan eman behar
dira
Era
batean honela hezitutako umeak amaestratuak daudela dirudi, baina egia da ez
dela inolako zigor ezta oparirik ezarri, eta haien portaera oso zuzena, baina
baita gozoa eta fisikoki gogorrak.
Opari
bakarra bakoitzak bere boterearen mugak eta errealitatean sartzea da. Ematen
den zigor bakarra, umea bakarka jarraitzea delarik, bere ekintzak bere kabuz
eginez, eta hari emandako atentzioa ume txiki batena balitz modukoa da. Era
honetan besteengan ematen zaien atentzio zuzena eta serioa ikustean bere
portaera okerra aldatzera eramaten dio.
Sentsazioen
heziketa
Sentsazioak
nagusituta daude, baina sentsazioak burutik pasatzen ikasi behar da
3 eta
7 urteen bitartean ematen den ikasketa nagusia inteligentziarekin erlazio hertsia
duten sentsazioen bidez hartzen da. Baina ez da Locke eta Condillac-ek dioten
moduan, baizik eta Montessorik bere pedagogia bakoitzaren boluntatea, oztopoen
gaindipena eta norberaren morala onarpenetik pasatzen da. Hau da, sentsazioek
sortzen eta laguntzen dituzten aspektuen lanketa.
Orokorrean
umeari sentsazio berdin bi eman behar zaizkio, muturreko beste bi eta geroago
pixkanaka pixkanaka ezberdintasun gutxiko sentsazioak.
Era
honetan irakaslea zuzendari moduan jokatu beharko du, hau da, egoerak
zuzentzen. Beti ere, behatzaile moduan, baina ez pasiboki baizik eta behatzen
duenak bere esku hartzean eragina izatea.
Irakurketa
eta idazketa
Irakurri
eta idazteko beharrezkoak diren trebeziak ondo landu behar dira aurretik
Fase
ezberdinetan idazketarako beharrezkoak diren entrenamendu teknikak lantzen
dira. Letren izenak ikasi beharrean, haien soinua ikasi behar dute umeek.
Idazteko
berriz, bi ezagutza lortu behar dira: tresna erabiltzeko teknikak eta letren
formak idazteko praktika.
Orokorrean
lortzen dituzten ezagutzak ez dira objektiboki handiak, baizik eta geroxeago
ikasiko dituztenak hobeago egiteko antolakuntza eta ikasketa izaten da.
Kalkulua
Kalkulua
ikasteko beharrezkoak diren ezagutzak lantzen dira
Material
ezberdinen ezaugarri fisiko ezberdinak lantzen dira. Horrez gain horiek
zenbatzeko eta kalkuluak egiteko lantzen dituzte kolore, forma eta multzo
ezberdinetako materialak.
Hizkuntza
Hizkuntza
baino lehenago kontzeptuak finko ikasi behar dira
Gutxien
lantzen den arloa da. Horren alde, bere momentuan ikasketetan hitzaren
gehiegizko erabilpena kritikatzen du Montessorik. Era honetan objektu bat
handiago edo txikiago esterakoan (Montessorik ez du berbaz indartzen, baizik
eta umeak ulertu behar du tamainaren kontzeptua bera) agian galdu egiten da
erlatibotasunaren ideia.
Era
honetan nahiago du ideia finko geratzea eta horiei ematen zaizkien hitzak
geroxeago ikastea.
Imaginazioa
Umeen
irudimena mugatua da
Ideia
klasikoetan umeei irudimena ikaragarrizkotzat hartzen da. Montessorik horren
aurka egiten du. Bere ustez, irakurketa fantastikoak atentzioz hartzen
dituelako horrek ez du esanahi imajinazio garatua duenik. Edota haiek sortutako
mundu fantastikoetan pertsonaia zehatzetan sartzetan sartzeak ez du esanahi
imajinazio itzela dutenik.
Boluntate,
morala eta erlijioa
Morala
ez da irakasten, norberak bere eginkizunetan zentraturik egonda besteekiko
errespetua lortzen da
Aurretik
honen ulerkortasuna eskatzen du, Montessorik dioena baino bere garaian zer
nolako ideiak aldarrikatzen dituen eta horiek dituzten eraginez baizik.
Umeek
haien ekintzetan zentraturik daudenean besteenganako inbidiak eta eskubideen
zapalketei ez die lekurik uzten. Era honetan norberekiko eta besteekiko eduki
behar duen errespetuzko jarrera era ez zuzenean irakasten die.
Nahiz
eta Bartzelonan askeki kapila batera joan daitezkeen, Montessoriren zentroetan
ez dago horrelakorik. Hala ere , Montessorik honela estaltzen du honakoa
esanez: sentimendua oinarritzen da dogma baino.
2.3. Ondorengo eraginak
Jakina
da Montessoriren eragina leku askotara zabaldu dela. Bai eta Euskal Herrira
ere. Gaur egun, ikastetxe ezberdinetan aurki dezakegu Montessoriren lanaren
aztarnak, beti ere Eskola Berriko filosofiarekin nahasturik.
Eskola
hauek pribatuak nahiz publikoak dira, beraien artean duten lotura eta metodoa
ziurtatzeko hainbat elkarte sortu dira. Zeregina dute materiala banatzea, irakasleak
prestatzea, aldizkariak argitaratzea, gurasoei informazioa banatzea, metodoaren
aplikapena Lehen eta Bigarren Hezkuntzan ikertzea, etab.
Montessoriren
eragina dela eta, gelatan aldaketak ikus ditzakegu, hala nola, mahaiaren eta
eserlekuen neurrian. Materiala graduatua dago eta ikasleen neurrira egina.
Beste aldetik materialak zentzumenen lanketatik abiatzen dira eta bakoitzak
ezaugarri bat lantzen du, hala nola, kolorea, pisua, forma, luzera, hots,
usaina,...
Honek
guztiak, ludoteka eta haur-eskolatan erabiltzen diren espazioa, materiala eta
egokitzapenak bere eragin zuzen duten arren, Montessorik objektu eta espazio
antolamendu horiekin lantzen zituen ideiak eta helburuak gaur egun ez dira
lantzen.
3. ARIKETAK
3.1.- BIZITZA PRAKTIKOA
·
Ahulki bat hartu eta lekuz mugitu
· Alfonbra bildu eta zabaldu
· Erretilua eraman
· Lerro baten gainean ibiltzea
· Objektuak pasa ontzi batetik bestera;
°
Garbantzuak pasa ontzi batetik alfonbra ez labaingarri batetara (alderantziz,
bentosa bakoitzeko garbantzu bat)
°
Belaki bat pasatu ontzi batetik bestera pintza batekin, txotx txinatarrekin
°
Inbutu batetik hainbat objektu pasarazi
°
Ontzi batetik bestera hondarra pasatu tamaina ezberdinetako koilareekin
°
Edalontzi batetik bestera kortxo zatiak pasatu
· Likido edo isurkariak pasa ontzi
batetik bestera;
°
Xiringa edo tanta kontagailu batekin ur tantak bota alfonbra ez labaingarri batetara
(alderantziz, bentosa bakoitzeko ur tanta bat)
· Dilista, irina edo hondarrez betetako
kaxa batean objektuak ezkutatu eta iragazki batekin hauek bilatu eta ontzi
batean banatu
· Forma ezberdinak azaltzen diren paper
batean ebakuntzak egin goraziak erabilita (zuzenak, borobilduak, …)
· Izotza egiteko kubilera baten zulotxo
bakoitzean kolore bateko gometxa ipini, ondoren, kolore berdineko bolatxoak
dagokion zulotxoan sartu.
· Aldez aurretik zulatutako tapa batean
plastikozko pajitak sartu
· Erabilitako materiala jaso
· Zakarra atera
· Zikindutako materiala garbitu (mahaiak,
arbelak ,…)
· Bazkaria prestatzeko beharrezko lanak
ahalbidetu (mahaia ipini, jaso ,…)
· Jantziak tolestu (galtzerdiak,
musuzapiak, …)
· Koilareak egin makarroiak erabilita
· Pintxitoak, bolak, botoiak, ….
Klasifikatu: jogurt poteak margotu eta pintxitoak, bolak, botoiak, etab
dagokion koloreko potean sartu
· Kateak ireki eta itxi
· Botoiak lotu, kortxeteak,
kremailerak,etab.(bastidoreak)
· Auto-zaintza ariketak: jantzi, garbitu,
etab.
· Txanponak itsulapikoan sartu
· Landareak ureztatu
· Landare baten hostoetatik luma edo
isipua pasatu
· Jolas sinbolikoa: panpinak, etxeko-
txokoak, …
· Egurrezko ohola batean ileko pintzak
ipini
· Berokiak jantzi, erantzi, esekitokian
ipini, ….
3. 2.- HEZKUNTZA SENTSORIALA
· DORRE ARROSA: dorre bat dela jakiteko
beti eredua egina egongo da. Kuboz kubo hartuko da (handienak bi eskuekin), eta
alfonbraren gainean utziko da.
°
1.go aurkezpena: dorrea alfonbraren ezker aldeko goiko zatian eraikiko da.
°
2.go aurkezpena: dorrea eginda dagoenean, ertz guztiak batu, horrela tamaina
ezberdintasuna nabarituko da. Hau baieztatzeko kubo txikienetik handienera
jaisten joan.
°
3.go aurkezpena: eraikuntza berdina horizontalean egin, ezkerraldetik eskuin
aldera.
°
Dorrea alderantziz egin.
°
Dorrea egin begiak itxirik
°
Paperezko ereduak erabilita, kubo bakoitza bere tamainarekin identifikatu
°
Kuboetako baten eredua erakutsi eta hau identifikatu eta bilatu
°
Dorrea eraiki eredua eta kuboak tartekatuz
°
Txikia eta handia tartekatuz
· ESKAILERA MARROIA: 10 prisma
lauki-luzez osatuta dago.
◦
Aurkeztu egiten da “eskailera marroia” bezala eta gonbidapena luzatuko zaio
“zuk hartuko dituzu?” “alfonbrara eraman nahi dituzu?”
◦ “Prisma bat
da” azaltzen zaio “lodia -mehea”
◦ Eskailera
egiten hasiko da lodia erabiliz edo mehea erabiliz
◦ Kontrolezko
akatsa meheena izango da
◦ Dorre bat egin
daiteke
◦ Dorre arrosa
hartu eta paraleloki jarri daiteke
◦ Eraikuntza
ezberdinak egin daitezke dorre arrosa eta eskailera marroia erabilita
● PITAGORAS TAULA: puzzle bat balitz
bezala , laukiak jarriz eraikitzen da. Osatua dagoenean, gainean dorre arrosa
edo eskailera marroia jarri daiteke.
● ERAIKUNTZA HIRUKIAK: azalera eta
perimetroa kalkulatzeko erabili daitezke. Konbinazio ezberdinak egin daitezke,
horrela forma ezberdinak azalduko dira.
● MONTESSORI KANPAIAK: pianoaren
antzera, nota berdinak ditu (zuriak eta beltzak). Kanpaiaren azpiko aldean,
egurrezko pendulu batekin jotzen dira. Eskua ipiniz isildu egiten dira.
3.3.- MATEMATIKA
● KOLORETAKO PERLAK: alanbreaz batuta
dago. Hamarnaka, ehunaka, milaka ,… zenbatu daiteke. Pitagoras taularekin,
binomioarekin eta trinomioarekin erlazionatu daiteke.
● BINOMIOA:
◦ Binomio karratua: koloretako perlekin
eta materialaren taparekin kalkulatzen da.
◦ Binomio kubikoa: binomioaren
kuboarekin kalkulatzen da. Geometriaren bidez, formulak garatzen dira.
● TRINOMIOA: Trinomio karratua eta
trinomio kubikoak kalkulatu ditzazkegu.
● LIXAZKO ZENBAKIAK: hirunaka aurkezten
dira eta behatzen puntak erabiliko ditugu zenbakiak identifikatzeko. Ariketa
hau era ezberdinetara egin daiteke (begiak itxirik, hirina erabiliz, zenbakiak
irudikatuz, etab).
● ERABILPENAREN KAXA: zenbakiak
errepasatzeko erabiliko da. Kaxaren zati bakoitzean zenbakiari dagokion objektu
kantitatea sartuko dugu eta haurrak hauek identifikatuko ditu.
● SEGUIN TAULAK: hamarrekoak lantzeko
erabiltzen da.
● 1-9000 ZENBAKI TXARTELAK: unitateak,
hamarrekoak, ehunekoak, milakoak lantzeko. Txartelak batak bestearen gainean jartzen
joaten dira.
● BIDERKETA TAULAK: zenbakiak elkar
gurutzatu egiten dira.
● ZATIKETA TAULA: zenbakiak gurutzatuz
kalkuluak sortuko dira.
3.4.- KULTURA OROKORRA ETA HEZIKETA
KOSMIKOA
● MUNDUKO GLOBOA ETA KONTINENTEEN
GLOBOA: kontinenteak erliebean daude eta hauek behatzekin ukituz identifikatzen
joango gara (begiak itxita, behatz batekin, … )
● KONTINENTEEN MAPAK: puzzle forman
aurkeztuko dira.
● URA ETA LURRA: plastikozko platera eta
plastilina erabilita, platera bateak irla bat eta bestean laku bat egingo dugu.
Landareak ureztatzekoa lainoa izango da. Etxe bat eta barku bat erantsiko zaie.
Egiazko argazki batean konparaketak erakutsiko zaizkio haurrari. Honela
geografikoki, mendiak, itsasoa, etab antzeztuko dira.
● HEZIKETA ARTISTIKOA: autore ezagunen
koadroak erakutsi eta hauek imitatu egin beharko dituzte hainbat elementu
erabiliz (plastilina, makilak, …)
● LAU URTAROEN KOILAREA: koloretako
kartulinak erabiliz urtaroak irudikatuko dira: negua- zuria, udaberria- berdea,
uda- horia, udazkena- marroia.
3.5.- HIZKUNTZA
● LIXAZKO LETRAK: Montessoriren sisteman
letra minuskulekin hasten da eta hasieran ez ditugu letra larriekin nahastuko.
Bokalak urdinez irudikatuko dira eta kontsonanteak arrosaz. Haurraren
izenarekin hastea da hoberena. Letrak hirunaka aurkeztuko dira (bokal bat eta
bi kontsonante) eta banaka beraien soinua aurkeztuko zaio. Eskuekin ukituz
joango da eta ariketa ezberdinak egin dezake; begiak itxirik, letrak imitatuz,
laguntxo baten sorbaldan irudikatu eta asmatu, …
● ALFABETO MOBILA: egurrezko kaxa baten
barruan letra bakoitza bere tokian kokatuko dugu. Letrak nahastuz hitzak
sortuko ditugu. Irudiak azaltzen diren txarletekin hitzak eta irudiak
erlazionatuko ditugu.
● RESAKE METALIKOAK: plantilla bat erabiliz, paper zuri baten
gainean errepasatu eta bi koloreez beteko dugu. Lortzen dugu marrazkiaren
arabera, haurraren imajinazioak garatuko du sekuentzia.
● GRAMATIKA: kolore ezberdinetako kaxak
erabiliko dira esaldi ezberdinak identifikatzeko. Kaxa beltza- izena izango da,
kaxa gorria- aditza izango da eta kaxa urdina- adjektiboa izango delarik.
Estrategia hau sinbolo geometrikoak erabiliz ere lortu daiteke.
4.- MONTESSORI MATERIALA GAUR EGUN
Web honen bidez, Montessori filosofian
oinarritutako materiala erosi dezakezu. Jostailuak, liburuak, etab. lortu
dezakezu eta ideia interesgarriak ere bildu ditzakezu zure seme alabekin
praktikan ipintzeko. Animatu eta ongi pasa!!